Xaneiro 2006
Monthly Archive
Publicado por Xerelo o 28 Xan 2006 5:59 pm. Arquivado en
Político-Social.
Que non vos estrañe o título, aínda que esta palabra veña sendo utilizada ultimamente polos nacionalistas españois para referírense aos nacionalismos periféricos. Pero, quen ten máis relación cos nazis? os que falan do dereito a elixir a onde se pertence ou os que queren impor a pertenza "porque lo dice tu carné de identidad" no mellor dos casos? Así que eu decidin usala a partir de agora para referirme o rancio nacionalismo español. Baseándose na célebre frase de Goebbels "Unha mentira repetida mil veces convértese nunha realidade", o sector máis españoleiro e menos democrático da sociedade española fala da sobrerrepresentatividade dos partidos nacionalistas no congreso, como no caso de Alberto Recarte, licenciado en dereito e presidente dun deses panfletos con denominación de orixe "digital"
Segundo: son conscientes de que están vulnerando la Constitución; pero no están solos. Les apoyan todos los partidos nacionalistas –sobrerrepresentados en el Congreso por la ley electoral de 1977–
Segundo eles, os partidos nacionalistas teñen máis escanos dos que lle corresponden por número de votos debido a non existencia da circunscripción única. Ben, pois isto é totalmente falso, e moitos son os que o teñen demostrado. Todos coinciden en que o nacionalismo está representado na mesma proporción que lle corresponde por porcentaxe, e unicamente IU está por debaixo do que lle corresponde, repartíndose PP e PSOE os escanos "roubados".
Así que, se están tan preocupados pola lexitimidade, que deixen de nos mentir.
Seguindo co que comezei aquí, vou comentar agora algo que non é propiamente unha mentira, máis ben trátase de manipulación en todo o seu esplendor.
El mensaje con el que arrancó la campaña "Todos tenemos derecho a opinar" es el siguiente: "Estimado amigo/a. Te comunicamos que hoy día 26 de enero se ha puesto en marcha la campaña de recogida de firmas para solicitar al Presidente del Gobierno que someta a referéndum la siguiente consulta: "¿Considera conveniente que España siga siendo una única Nación en la que todos sus ciudadanos sean iguales en derechos, obligaciones, así como en el acceso a las prestaciones públicas?".
Como podedes comprobar, a primeira parte da pregunta introduce disimuladamente a afirmación de que españa é única e indivisíbel, de xeito que a atención cae sobre a segunda. Así se un está dacordo coa igualdade entre os cidadáns (algo que penso que é maioritario) respondería si a pregunta, aceptando o mesmo tempo a unicidade da nación española.
O máis incríbel do asunto, é que o mesmo que di defender a igualdade, cre que os homosexuais non deben poder adoptar (será que non son cidadáns?), pide que se ensine relixión católica nas escolas ou defende a monarquía (institución que claramente non se basea na igualdade) Deben de ser diferenzas tan puntuais, que unhas pequenas mentes como as nosas nunca chegarán a o comprender, como tampouco comprenderemos por que outros poden ir a cadea se fan un referendo.
Por todo isto, quero proporvos a seguinte campaña.
Vota por eles
Xa que son moitos os que non poden mostrar o seu apoio a Mariano, fagámolo nós por eles. Trátase de inscribir a aqueles que consideremos que o merecen na páxina das peticións para o referendo. Supoño que estes votos non terán ningún valor e que serán anulados, e que só lles dará un pequeno traballo extra, pero non podo evitar desfrutar da idea de que chegasen a presentar unha lista con nomes como Francisco Franco, George W Bush ou Pepito Piscinas (constame que estes xa se inscribiron). Para os que vos animades decirvos que como isto é unha cousa seria pídese un número de DNI incluindo a letra, cousa que podedes conseguir aquí metendo 8 números ao chou.
Xa para rematar e aproveitando que estou a falares do referendo, dicir que descubrín que puxeron a miña montaxe na páxina de milinkito, que fai pouco fíxose moi famosa polo concurso de montaxes sobre a felictación de nadal dos Borbóns. E aproveitando que pasei por alí, tráiovos esta estupenda animación sobre un fato de esquíos traidores á causa.
chuzame -
Publicado por Xerelo o 26 Xan 2006 6:06 pm. Arquivado en
Infornáutica.
Se tedes vido anteriormente por este blog, seguramente xa vos decatastes de que andei fedellando cos tradutores. Non tiña pensado comentar nada deles xa que eu fíxeno máis que nada por xogar con cousas novas, xa que penso que a inmensa maioría dos que poden acabar lendo estas liñas comprenden o galego, pero unha pregunta de Calidonia fíxome ver que non estaba de máis que comentara o asunto. Primeiro comentarei o que fixen, e logo pasarei o problema de Calidonia, que non sei se lle valerá, porque eu pouco sei de informática.
Galego-castelán
Para a tradución galego-castelán utilicei o Apertium da Universidade de Vigo que é unha extensión do Opentrad Apertium, un tradutor de código libre co que poderedes facer outras traducións.
Funciona bastante ben, eu ao ler a tradución parecíame estar lendo o que escribira un deses "no te se me da nada bien hablar el gallego", e amais diso, unha vez carregada a páxina traducirá o resto das seccións ou páxinas que teñamos ligadas.
O único que fixen foi crear unha ligazón apuntando a seguinte dirección
É moi longa
Como vedes, o único que hai que facer é cambiar a dirección desta páxina (intifada.bitacoras.com) pola da vosa.
Galego-inglés
Ben, aquí está o único que ten o seu aquel. Se estivestes a buscar, decatariadesvos de que non é tarefa fácil atopar un tradutor galego-inglés, e que a solución é usar un que traduza dende o castelán ou dende o portugués. Pois non, non é a única solución.
O que fixen foi coller a dirección da páxina traducida ao castelán (a que puxen unhas liñas por riba) e introducila noutro traductor, para facer así unha tradución castelán-inglés . Pero ollo, isto non funciona en tódolos tradutores, xa que non nos enganemos, eses programas non están pensados para que poidamos facer o que nos pete.
Tamén e longa
A esa dirección tedes que engadirlle a anterior. O que mellor furrulou foi o Babelfish, pero non permite seguir traducindo nas ligazóns, é dicir, só traduce a páxina que lle metemos, no meu caso a principal.
Por se non chegara con isto, non che dá unha dirección clara de onde engadirlle a túa dirección, así que tiven que "roubala", polo que non aparece o frame de enriba onde di que está sendo traducida por Babelfish. Supoño que iso non lles gustará moito e en calquera momento, cortannos o choio.
Uhm, deixo esto en corentena, xa que acabo de probalo co explorer e aínda que traducía, non mantiña o aspecto da páxina. Pode ser que funcione ben, pero é que agora mesmo estou tendo problemas para entrar na páxina independentemente do xeito no que o faga.
Galego-catalán
Deste teño pouco que dicir, só puiden facer o de traducir dende o galego coma se fose castelán, así que a tradución é anecdótica, non creo que teña moito valor, máis ten o seu aquel ver a mestura de galego e catalán, algo que poderíase chamar catagal.
Non había de ser menos
Xa sabedes, tralo = só tedes que engadir a vosa dirección.
E agora vou pasar o problema de Calidonia, que polo que vin é un problema común a tódolos que están Blogger, e posibelmente a outros hospedaxes de blogs.
Primeiro teño que facer unha introducción sobre o tema, así que se sodes dos que a informática failles doe-la cabeza, saltade esta parte.
A hora de gardar textos, asígnaselle a cada letra un conxunto de 1 e 0, por exemplo no ASCII, que é o formato máis coñecido, o "A" sería 0100 0001. Por ter 8 bits, o número de símbolos dispoñibles son 256, o que non é moito. Para aumenta-las posibilidades apareceron outros códigos como o UTF-8, que o ter 16 bits permite usaren tódolos símbolos dos distintos alfabetos, algo que a un sitio como Blogger polo seu carácter internacional vénlle que nin o demo. O problema é que un tradutor de galego-castelán, só necesita que recolla os alfabetos latinos, e por iso para aforrar memoria úsase o ISO-8859-1. No caso de bitácoras.com, por estar orientada o mundo hispano, e a vén por defecto.
Posíbel solución
Xa dixen que non sei moito de informática e non fixen a proba, mais coido que isto podería valer, se é que deixa facelo.
Tes que buscar no template, a páxina modelo sobre a que se constrúen as outras, e atopar dentro da etiqueta <head>
charset=utf-8"
e substituilo por
charset=ISO-8859-1"
Utiliza a función buscar e sairache directamente, só sae unha vez.
Agora que fixen a mudanza a Blogaliza, descubrín que esta solución non ten nada que ver coa realidade. Os textos das entradas do blog, gárdanse nunha base de datos cun dos formatos dos que xa falei. O formato pódese trocar indo a Opcións e logo en Lendo (Isto en Blogaliza, que traballa sobre WordPress), e onde pon Codificación de páxinas e sumarios substituimos o
UTF-8 por ISO-8859-1
Se estamos a comezar un novo blog non teremos problemas, mais se xa temos entradas feitas, os acentos despareceranos. Se facedes unha mudanza coma min, lembrade que podedes exportar os textos xa no formato ISO, co que xa podedes configurar dende o principio o blog en ISO.
chuzame -
Publicado por Xerelo o 24 Xan 2006 9:22 pm. Arquivado en
Político-Social.
Moitas veces decido non falar dun determinado tema aínda que sexa o tema do momento, porque supoño que xa estaredes saturados del, e porque acostuman a seren cousas que ou un é moi sectario, ou sábese de sobra o tamaño das burradas que se din ao respecto. Neste caso farei unha excepción porque o noso ilustre paisano meréceo.
Levamos xa moito tempo aturando os comentarios alarmistas do señor dos hilillos, falando do esgazamento de españa e inconstitucionalidades varias, mais claro, cando alertas, sempre chega o momento no que se demostra se tiñas ou non razón. E ese día chegou cando ZP e máis Mas acordaron un texto para o estatuto catalán, que para desgraza de moitos, nin racha a unidade de españa nin é anticonstitucional, polo que o que tanto berrou e laiou, queda como un carallán que ou ben non sabe do que fala ou ben só buscaba asustar.
Que se pode facer entón para desvia-la atención do teu cu, cando se atopa totalmente ao descuberto? Pois nada mellor que falar dun referendo.
"Como aquí no estamos reformando un Estatuto de autonomía, sino cambiando el modelo de Estado, vamos a presentar una proposición de ley de iniciativa popular pidiendo un referéndum', dijo Mariano Rajoy en el Fórum de Nueva Economía.
Pois si, o mesmo que formaba parte dun goberno que meteu a españa nunha guerra sen pasar polo congreso como di a constitución, sen importarlle unha merda a opinión do 90% da poboación que estaba en contra, quere facer un referendo para que decida toda españa como se deben gobernaren os catalás. Incríbel, que vai se-lo próximo? Un referendo para que decidan se podemos falar galego na Galiza? Referendo para a eliminación das exencións fiscais de Canarias?
Neste intre, o estado de esquizofrenia é tal no PP, que xa comezan a aparecer as primeiras baixas dos que non son espelidos dabondo para trocar o seu discurso cada dous días.
A situación é tal, que xa traspasou fronteiras, e hoxe no país "amigo" que vendera unha medalla ao seu vasalo Aznar, e no que ata a esquerda está a dereita, erguéronse coa seguinte nova
The response of the center-left government of Prime Minister José Luis Rodríguez Zapatero has been appropriately firm, including the dismissal and arrest of one of the culprits, a senior army general. Regrettably, the center-right Popular Party, the main opposition group, seems more interested in making excuses for the officers than in defending the democratic order in which it has a vital stake.
Que vén querendo dicir
A resposta do goberno de centro-esquerda do primeiro ministro José Luis Rodríguez Zapatero foi apropiada e firme, o que incluiu a destitución e arresto dun dos responsábeis, un importante xeneral. Tristemente, o Partido Popular, de centro-dereita, principal partido da oposición, parece máis interesado en desculpar aos oficiais que en defender a orde democrática.
Tanto veleno leva cuspido Rajoy, que comezo a ter ganas de que nas vindeiras eleccións o PP supere ao PSOE (sen conseguir maioría absoluta, líbrenos Deus), só por ver como baixan os pantalóns para pactar cun partido nacionalista sobre os que tanto leva mexado. Total, mande quen mande en españa, pouco van muda-las cousas na Galiza.
Cartaz orixinal
chuzame -
Publicado por Xerelo o 21 Xan 2006 6:39 pm. Arquivado en
Caralladas.
Esta trapallada ocorréuseme tras ler esta nova, o problema é que mentres o estaba a facer, pasoume pola cabeza amplialo ata convertelo nun Atlas Anecdótico Galego. Coido que a nosa abondosa e orixinal toponimia chega para facer un bastante xeitoso, mais agora mesmo de memoria só se me ocorre engadirlle a festa da coca de Redondela. Penso que vai ser un proxecto de longo prazo, ou no peor dos casos quedarase só na idea, así que calquera axuda propondo lugares ou ligazóns con informazón será benvida. Demostrade que vistes mundo.
chuzame -
Publicado por Xerelo o 18 Xan 2006 12:20 am. Arquivado en
Político-Social.
Non, Rajoy non toleu (máis do normal) nin se trata dunha montaxe co Photoshop. É unha foto real tirada neste Nadal en Madrid, e forma parte dunha serie de accións de protesta que xa se dera o pasado ano. Algúns preguntarédesvos a quen carallo se lle ocorrería facer isto e por que. Pois trátase de contrapublicidade, algo que podería definirse como
La contrapublicidad representa un movimiento de crítica a la publicidad y, a través de ella, a las grandes empresas y multinacionales que la utilizan. El término está acuñado por grupos y organizaciones que rechazan el modelo económico dominante y las prácticas empresariales abusivas o no compatibles con el desarrollo sostenible.
Así que é unha crítica á sociedade mesturada con deseño, o que non sei é como puiden tardar tanto en falar dela. Coido que un dos refentes internacionais é Adsbusters, en españa ConsumeHastaMorir, e por suposto na Galiza non podemos esquecer aos Aduaneirossemfronteiras.
Lembrade, aproveitando que estamos en rebaixas, que non por máis consumir ides ser máis felices, e que non é imposíbel facerlle frente as multinacionais que tentan decotío impornos que queremos e necesitamos.
E non podía rematar sen facer unha aportación á causa.
chuzame -
Publicado por Xerelo o 14 Xan 2006 6:28 pm. Arquivado en
Político-Social.
Aquí estou de novo para apresentar por primeira vez en Intifada Ghaiteira, a un dos nosos showmans más "nacionais", a súa ilustrísima excelencia Sir Paco Vázquez. Teño a dúbida de se non lle adicar unha sección enteira para el, xa que estou certo de que aínda serán moitas ás veces nas que hanos agasallar con algunha das súas gloriosas frases ou performances.A razón desta entrada que estou a escribir, non é por unha frase propiamente dita, senón por un artigo de opinión de Jose Manuel Ponte sobre a seguinte perla vazquista.
"España no tiene quien la defienda y tal parece que los que hablan de ella son unos apestados del régimen franquista"
O artigo está ben, pero houbo algo que foi o que realmente chamou a miña atención e é xusto o que quero compartir convosco. Non sei se é unha historia de dominio popular e eu fun o último en coñecela, mais para todos aqueles que nunca a oiran e todos os que xa a desfrutaron, aquí a tendes outra vez.
Y aún recuerdan muchos de sus compañeros del Congreso su heroico comportamiento cuando Tejero procedió a secuestrarlos, durante la intentona golpista del 23-F. Al parecer, la fuerte tensión del momento le hizo sufrir un ataque de ansiedad y unos desarreglos orgánicos agudos que le obligaron a abandonar el hemiciclo con permiso del jefe de la fuerza invasora, ante el riesgo inminente de una descomposición incontenible. Fue el único diputado varón autorizado a ello. Y sólo pudo acompañarle la socialista Ana Balletbó, que estaba embarazada de gemelos. La versión oficial dijo que el héroe había padecido una crisis cardiaca. Patriótica, por supuesto. Con hombres así no hay nada que temer.
Gracias a Paco e a súa manobra de distracción, todos seguimos a ser libres.
Ole polo seu tracto rectal.
chuzame -
Publicado por Xerelo o 13 Xan 2006 1:39 pm. Arquivado en
Infornáutica.
Xa sei que os que usamos o Firefox, podemos parecer moi pesados dicíndovos deseguido que abandoedes o explorer, mais é que vexo que aínda sodes moitos os que o usades (incluida ti, lúa). Pois unha vez máis teredes que aturar o rollo, mais eu non vos vou amolar coas súas vantaxes na seguridade, o xenial que é a navegación por fiestras, esquecerse case dos pop-up ou outros comentarios técnicos, para iso xa tedes a páxina oficial. Eu vouvos falar de ter un navegador a vosa medida, con todo o que necesitedes pero sen engadidos molestos, un producto personalizado para cada un de nós. E todo isto, gracias as innumerables e marabillosas extensións do firefox.
Pulsade na imaxe para ver mellor a imaxe do meu firefox tuneado (sí realmente é o meu). Aínda ten poucas cousas porque fai pouco que formateei o ordenador. Comezarei dicindo que sei que o meu gusto é un pouco raro, pero gustábame a cor e gústanme os gatos 
Tedes moitas outras skins para elixir, e van saíndo novas cada pouco tempo.
Ben, agora imos o choio.
Podedes ver nun desplegábel a dereita, a caixa de buscadores. Creo que no explorer tamén a hai, pero como extensión de Google ou Yahoo. Pois o Firefox permítenos ter centos deles. Xa vedes que eu teño varios buscadores, dicionarios e wikipedias, e máis que lle meterei cando os vaia necesitando. Engadilos é moi sinxelo, só tedes que ir aquí e buscar ou elixir o que máis vos preste. Para borrar os que non vos interesen tedes que ir a carpeta do Firefox>searchplugins e borrar os dous arquivos con nome do buscador que queredes eliminar. Ordealos é un pouco máis complicado, pero tamén pode facerse.
Outra cousiña, vedes que debaixo dos gatos, teño unhas carpetiñas, pois esas son os meus favoritos. Dentro de cada carpeta teño as ligazóns que máis utilizo. Pódese pór a ligazón directamente, pero se tes moitas é mellor telas en carpetas. Para engadir unha nova, nada tan sinxelo como picar na dirección, ben nun texto ou na barra de direccións, e sen soltar levala á barra de favoritos (ou á carpeta) e soltar.
Agora xa vou pasar os plugins propiamente ditos.
Ie Tab
Non vos vou enganar, hai xente (cada vez menos) que todavía fai as páxinas pensando só en que funcionen no Explorer, así que podemos atoparnos con algunha que non se vexa ben. Pois con esta extensión, podemos facer que o Firefox abra dita páxina usando o motor do explorer, pero sen sairmos do Firefox. Abaixo a esquerda no canto do logo do raposo de lume, sairá a "e" do explorer. E todo isto cun só click de botón dereito.
BugMeNot
Moitas veces navegando chegamos a unha páxina onde para ver ou descarregar algo temos que rexistrarnos, co que estarémonos asegurando un posterior envío de spam ao noso correo. Certo que existen correos basura para este tipo de cousas, ¿pero para que imos perde-lo tempo se alguén xa se rexistrou por nós? Outra vez o botón dereito e xa teremos un usuario e clave para poder ter o que buscabamos (sempre que alguén era de alta esa clave en Bugmenot)
FlashGot
Para os que non vivirades os tempos da internet de 56k ou pre-emule, igual non vos parece moi importante, pero está bastante ben. Permite relacionar dun xeito moi cómodo o navegador cun/s xestor de descárregas. Deste xeito, poderedes baixar arquivos sen que teña que ser todo dunha vez, ou máis rápido no caso de que existan mirrors.
BBCodeXtra
Esta extensión ten integradas as etiquetas de foros phpbb, vulletin e algunhas html, co que será máis sinxelo adornar os nosos escritos en foros ou comentarios de blogs.
LinkChecker
Esta é moi útil para os blogueiros, xa que nos permite comprobar que links dunha páxina xa non funcionan, un xeito moi rápido de ver se o noso blog segue estando ao día.
Web Developer
Este é imprescindíbel para os que queiran tunear o seu blog ou páxina personal, pero descubrino fai pouco e aínda quédame moito por investigar. Cando o faga xa volo comentarei. Por agora só podo dicir que ten moitísimas opciós, como por exemplo a de comprobación de ligazóns como a LinkChecker e facilita o traballo con CSS.
Se vos decidides a instalala, apareceravos unha nova barra debaixo da de favoritos, diminuindo o espazo que temos para ver as páxinas. A solución é sinxela, picamos co botón dereito e eliximos personalizar, e aparecerá unha fiestra coa que arrastrando e soltando podemos pór ou quitar tódolos botóns das barras de ferramentas. O que faremos é buscar o icono do Web Developer (unha roda dentada) é levala ó sitio que nos pareza mellor (no meu caso o lado do gato na casa ) Logo só teremos que picar na roda cada vez que queiramos que apareza ou desapareza.
Hai moitísimas máis, e seguramente mellores que as que eu poño, pero segundo as vaia descubrindo ireinas comentando, e vos animádevos a experimentar e compartir as que xa coñecedes. Polo de pronto déixovos un, ou dous agasallos aos que gustan do Hattrick.
Pedazo ladrillo que vos metín, pero penso que paga a pena.
chuzame -
Publicado por Xerelo o 3 Xan 2006 10:23 pm. Arquivado en
Revoltallo.
Naturistas do mundo estamos de noraboa, unha asociación naturista decidiu que na praia do Abricó necesitábanse dous gardas nus coa fin de garantir as boas maneiras e o decoro. O resultado tédelo na foto do lado, totalmente real.
Há nove meses sem sinalização oficial da prefeitura indicando que a praia é reservada, por lei, para a prática de nudismo, a Associação Naturista de Abricó contratou dois seguranças. Para dar o exemplo, os xerifes do Abricó ficam só de boné e óculos escuros. E impõem respeito.
O respecto supoño que será directamente proporcional ao tamaño da porra. Brincadeiras aparte, segundo o 20minutos (na nova orixinal non aparece) teñen como misión controlar aos miróns e mandar á auga aos que moito "se animen".Mais a aparente liberdade sexual que se vive no Brasil non é tan estendida como puidéramos pensar, existe unha parte da poboación, que ou ben é bastante numerosa ou ten moito poder, que segue a loitar contra un mal que só está nos ollos dos que miran. Aquí podedes ler unha análise nun blog naturista da situación real e actual do Brasil.
Na Galiza tampouco estamos libres de certa polémica, aínda que a cousa parece que cada vez é asumida como máis "natural".
Aproveito que estou a escribir para saudar a tola do monte, a primeira persoa que me pon unha ligazón. Eu farei o mesmo cando arranxe un par de cousas do blogou cando mude, porque non estou moi convencido con este aloxamento. Con dicir que non podo facer unha previsualización do que vou escribir, creo que vos daredes de conta de que non estou moi cómodo.
Ánimo á tola e a tódol@s que escreben en galego, xa que aínda que non nos lean moito, estamos a contribuir coa normalización da nosa lingua nas novas tecnoloxías.
Actualizado o reloxo escangallado. Preme nel se queres saber que l
aconteceu.
chuzame -
